अर्घाखाँची सम्पर्क मञ्चः- दक्षिण कोरिया। नयाँ वर्षको आगमनलाई हर्षोल्लासका साथ मनाउन र प्रवासमा रहेका नेपालीहरूबीच आत्मीयता साटासाट गर्न अर्घाखाँची सम्पर्क मञ्च, दक्षिण कोरियाले एक विशेष कार्यक्रमको आयोजना गर्ने भएको छ। तपसिलको मिति, समय र स्थानमा भव्य ‘नयाँ वर्ष विशेष नाइट पार्टी’ आयोजना गरिने भएको हो।
सोही अवसरमा संस्थाले नेपाली नयाँ वर्ष २०८३ को भित्ते पात्रो (क्यालेन्डर) समेत विमोचन गर्ने तयारी गरेको छ। प्रवासको व्यस्तताका बीच अर्घाखाँचीबासी लगायत सम्पूर्ण नेपाली समुदायलाई एकै थलोमा समेटी मौलिकता र मनोरञ्जन प्रदान गर्नु यस कार्यक्रमको मुख्य उद्देश्य रहेको छ। अर्घाखाँची सम्पर्क मञ्च दक्षिण कोरिया सम्पूर्ण नेपाली दाजुभाइ तथा दिदीबहिनीहरूलाई यस गरिमामय कार्यक्रममा उपस्थित भई नयाँ वर्षलाई भव्य रूपमा स्वागत गर्न हार्दिक निमन्त्रणा गर्दछ।
कार्यक्रमका आकर्षणहरू:
- सांगीतिक प्रस्तुति: स्थानीय कलाकारहरूका साथमा प्रत्यक्ष सांगीतिक धमाका।
- नेपाली स्वाद: मौलिक नेपाली परिकारहरू सहितको स्वादिष्ट खानपानको व्यवस्था।
- पात्रो विमोचन: नयाँ वर्षको भित्ते पात्रो सार्वजनिक।
- भेटघाट: कोरियामा रहेका नेपाली दाजुभाइ तथा दिदीबहिनीहरूबीच आपसी भाइचारा र शुभकामना साटासाट।
तपसिल
- मिति: १८ अप्रिल २०२६, शनिबार
- समय: साँझ ८:०० बजेदेखि आइतबार बिहान ५:०० बजेसम्म (कोरियाली समय)
- स्थान: लुम्बिनी रेस्टुरेन्ट सभाहल, दोङ्देमुन, सिओल
- प्रवेश शुल्क: ३०,००० (तीस हजार) कोरियन वन
